عصام صاصا يظهر لأول مرة بعد الإفراج عنه: «ظن الكثيرون أنني لن أستعيد نشاطي مجدداً»

حل مغني المهرجانات عصام صاصا، ضيفًا على برنامج «كلام الناس» الذي يُعرض على شاشة MBC مصر وتقدمه الإعلامية ياسمين عز، في أول ظهور له بعد خروجه من السجن، ليتحدث عن تفاصيل أزمته.

قال عصام صاصا خلال لقائه ببرنامج «كلام الناس»: «أنا لحد دلوقتي مش مستوعب الصدمة اللي كنت فيها، وكانت الفترة صعبة جدًا عليا، والحمد لله ربنا يقدر يعدي أي شيء صعب، ودائمًا في الأزمات تتعرف على حبيبك وصديقك وأعدائك، لكن في أزمتي كانت الكفة متوازية، وكان في شخص خذلني من الخارج ومن المجال لكن الأصدقاء المقربين أكثر كانوا بجانبي».

وأضاف: «الأزمة اللي مريت بيها كانت كالغرابيل، اكتشفت أن الغربال كان فارغًا وفي ناس كتير كانت فاكرة إن عصام مش له أي عودة».

وتابع: «كان يجيني رسائل صوتية من مغنيين وأشخاص محترمين يقولوا خلي عصام في وضعه الحالي، خلينا نعيش، احنا شغالين الصيف ده لأن عصام مش موجود».