إيساف يطالب بإلغاء منصات الأغاني والعودة لشريط الكاسيت الأصيل

أثار المطرب إيساف جدلاً واسعاً بعد نشره لبوست جديد على موقع التواصل الاجتماعي تيك توك، حيث كتب عبر صفحته على فيسبوك، “بالمناسبة والنبي الغوا منصات الأغاني ورجعولنا شريط الكاسيت والبوسترات بتاعته”.

كما حلّ إيساف ضيفاً على برنامج “اسمعني شكراً” مع الإعلامية سيرا إبراهيم، في حلقة مليئة بالمشاعر والبوح، حيث تحدث عن محطات إنسانية وفنية مهمة في حياته، فاستذكر والده الراحل ودموعه التي لا تجف على شقيقه، وكشف عن دور زوجته في حياته، كما انتقد حال الفن المعاصر وأعلن عن أعماله الفنية القادمة، وعلى رأسها مسلسل “غموض” الذي وصفه بتجربة مختلفة وشديدة الخصوصية.

تحدث إيساف عن والده قائلاً: “علّمني الرجولة والكرامة، مكنش بيزعق ولا يضرب، كلمته كانت قانون، كان يربيني بالفعل، مش بالكلام، كنت أتعلم من وقفته، ومن طريقته في الصرف على أهل بيته رغم إنه مش غني، مكنش بيطلب مني حاجة، كنت بشوف وبقلد، كان بيحب الصدق ويكره الكذب، وعلمني أكون راجل حتى لو ماعنديش جنيه”

وعن شقيقه الراحل قال: “ببكي عليه كل يوم، كان مش بس أخويا، ده كان سندي وصديقي وكتفي، فقدانه كسرني ومش قادر أتقبله لحد النهاردة، وكل ما أفتكره بحس إن فيّ حاجة اتكسرت ومش هتتصلح”

أما عن زوجته، فقال: “هي ضهري الحقيقي، وقفت جنبي في كل لحظة صعبة، فيها حنية واحتواء وصبر مش طبيعي، كل يوم باكتشف فيها حاجة تخليني أحبها أكتر، وجودها غيّر حياتي بجد”

وانتقد إيساف حال الفن الآن قائلاً: “الفن بقى تجارة، وفرق كبير بين الشهرة الحقيقية والتريند المؤقت، والمنتجين بقوا بيفكروا في المكسب مش في القيمة، والموسيقى الكلاسيك أو البوب اتظلمت وسط زحمة الأنواع الجديدة، أنا مش ضد التطور، بس ضد التفاهة، مش كل حاجة تنتشر تبقى فن”

وأشار إلى إنه لا يحب تكرار نفسه، حيث قال: “أنا دايمًا بدور على الجديد، حتى لو هنزل أغنية لازم تبقى مختلفة، مش شبه اللي قبلها، الجمهور بقى ذكي، وبيميز بين الشغل الصادق وبين الشغل اللي معمول علشان الترند”

وتحدث عن فكرة تقديم دويتو، قائلاً: “أنا ممكن أعمل دويتو بس مش مع أي حد، لازم تبقى الحاجة مختلفة، وفيها إحساس وموسيقى حقيقية، أنا ماعرفش أقدم حاجة والسلام، لازم يبقى فيها روح، وتعيش سنين مش يومين”

وأكد إيساف أن تركيزه حالياً منصب على التمثيل، حيث قال: “المزيكا دايمًا في قلبي، بس التمثيل بقى شغف تاني عندي، وعايز أسيب بصمة قوية فيه، مش مهم الكم، المهم الكيف”