حرصت الفنانة ملك أحمد زاهر على طمأنة جمهورها ومحبيها بشأن حالتها الصحية بعد الوعكة الأخيرة التي مرت بها، حيث كتبت عبر ستوري إنستجرام: «أنا واللِه ما كنت متوقعة كل اللي حاصل ده، لما حبيت أشارك حالتي الصحية كنت مخضوضة جدًا على نفسي، وفكرة إن لا أنا ولا الدكاترة حتى عارفين عندي إيه كانت رعباني، وكنت محتاجة بس أوصلكم إن حياتي فيها الحلو وفيها الوحش، وقلت في الستوري إن الموضوع مش الغرض منه القلق، وإني مش عايزة حد يقلق عليا، أنا كويسة، وكده كده أحسن من غيري».
اقرأ كمان: نائب رئيس قصور الثقافة يزور مشروع “نخل شمال سيناء” استعدادًا للافتتاح المرتقب
وتابعت ملك أحمد زاهر حديثها بقولها: «عندي يقين في ربنا إنه هايقومني بالسلامة، وإن شاء الله تبقى حاجة بسيطة بس من خضتي كتبت، مع إن دي مش طبيعتي إني أشارك الحاجات السلبية، أنا بس مش عارفة أقول إيه، ولا إيه، من قلبي بشكر كل حد سأل عليا ودعالي، واللهِ كله كان بيوصلني، وأنا آسفة لو مردتش على حد، وبشكر كل زمايلي وأساتذتي اللي كانوا بيسألوا عليا كل يوم ومسابونيش لحظة، وكل صحابي وعيلتي اللي كانوا جمبي».
وأضافت ملك زاهر: «أنا الحمد لله بقيت أحسن من الأول، وبطلت أروح المستشفى، الحمد لله بحمد ربنا إنها جت على قد كده، حتى لو الأيام اللي فاتت كانت صعبة، واللي عندي ده حاجة مخيفة شوية، وخضتنا، بس برضو أنا كويسة، والحمد لله إنها جت على قد كده، أكيد ربنا حماني من حاجة أكبر، وأهم حاجة إن عرف السبب بَطل العجب، والحمد لله إننا عرفنا، هي حساسية شديدة في الدم، الموضوع critical».
ممكن يعجبك: براد بيت يقضي موعدًا مزدوجًا مع برادلي كوبر وجيجي حديد في نيويورك .. تفاصيل القصة المثيرة!
واختتمت ملك زاهر حديثها بقولها: «بس أنا مطمنة، أنا بخف وبتحسن كل يوم، الحمد لله والشكر لله، ومافيش حاجة خطيرة بإذن الله، وأنا آسفة لو كنت قلقتكم، بس ده مكانش الغرض أبدا، والله، شكرا من كل قلبي على الحب ده، أنا عرفت غلاوتي عندكم وعند كل اللي حواليا، بشكركم من قلبي».
- تطورات حالة آدم تامر حسني وملك أحمد زاهر تثير الجدل في مستشفى النجوم
- ليلى زاهر تتألق في أحدث ظهور مع والدها ورضوى الشربيني
- أخبار الفن: آخر تطورات الحالة الصحية لملك زاهر وظهور شيماء سيف برفقة زوجها
- آخر التحاليل وتطورات الحالة الصحية لملك زاهر بشكل مفصل
- أنغام تدعو بالشفاء لملك زاهر بعد وعكتها الصحية.. يارب استجب!
التعليقات