أحمد زاهر يدعو لابنته وآدم ابن تامر حسني يتمنى السلامة لأطفالكم جميعاً

طلب الفنان الدعاء لابنته ملك زاهر وابن الفنان تامر حسني، حيث كتب عبر حسابه الشخصي على إنستجرام “اللهم أنت الشافي المعافي، يارب اشفِ آدم ابن أخويا وابني، واشفِ بنتي ملك شفاءً لا يغادر سقماً عاجلاً وليس آجلاً، فهو عليك هين وعلينا عظيم، يارب ما تشوفوا في أولادكم أي حاجة وحشة، ويشفي كل مرضانا يارب، اللهم آمين، وشكراً على محبتكم ودعمكم”.

كما أعلن النجم تامر حسني عبر حسابه الشخصي على فيسبوك، منذ قليل، عن خضوع ابنه آدم لعمليتين جراحيتين كبيرتين بشكل مفاجئ، إثر انفجار الزائدة الدودية، موجهاً رسالة شكر لجمهوره على الكم الكبير من الدعوات التي تلقاها لشفاء ابنه.

وكتب تامر حسني عبر حسابه الشخصي على فيسبوك: “على تليفوني وتليفونات كل المحيطين بيا، هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية، بس بقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص، لا روحوا اكشفوا كويس، واعملوا سونار على البطن والزايدة مرة واثنين، عشان ساعات مش بيبان ولازم الدكتور يضغط بطريقة معينة، تقريباً أقوى شوية عشان يعرف، لأني سمعت كتير اليومين دول إن الزايدة خادعة”.

وتابع: “اطمنوا كذا مرة قبل لحظة انفجارها، عشان بجد مشاكل بتحصل بعدها كبيرة ومحزنة أوي، وحبيبي آدم عمل عمليتين صعبين أوي عليه، وبدعواتكم مستنيين النتائج تكون خير يارب، ويعدي مرحلة الخطر”.

وأوضح: “اشفِه وعافيه يارب، هو وكل ولادنا، بس هو راجل وهيتحمل، وإن شاء الله ربنا يكرمه ويعافيه ويحفظه هو وإخوته، ويحفظ كل ولادكم يارب، وأحب أقول تاني شكراً من كل قلبي على دعواتكم، أنا شايف قلب كل حد فيكم وهو بيدعي بصدق، متشكر أوي يا جماعة، شكراً لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه، وأنا برضو بدعيلكم وبقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم”.