أغلى من الضنا.. بشرى تدعو بالشفاء لآدم تامر حسني

دعمت الفنانة بشرى الفنان تامر حسني، بعد أن خضع نجله آدم لعمليتين جراحيتين، حيث نشرت بشرى “ستوري” عبر حسابها الشخصي على إنستجرام، وعلقت قائلة: “ربنا يطمنك عليه يا تامر ويشفيه ويعافيه، مفيش أغلى من الضنا”.

خضوع آدم تامر حسني لعمليتين جراحيتين

أعلن تامر حسني عبر حسابه الشخصي على فيسبوك، منذ قليل، عن خضوع ابنه آدم لعمليتين جراحيتين كبيرتين بشكل مفاجئ، نتيجة انفجار الزائدة الدودية، ووجه رسالة شكر لجمهوره على الدعوات التي تلقاها لشفاء ابنه.

كتب تامر حسني عبر حسابه الشخصي على فيسبوك: “على تليفوني وتليفونات كل المحيطين بيا، هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية، بس أقولكم كده عشان تبقوا حريصين مع نفسكم أكتر ولولادكم، مش كل سخونية تقولوا ده شوية برد وخلاص، لا روحوا اكشفوا كويس واعملوا سونار على البطن والزايدة مرة و٢، عشان ساعات ما بتبانش ولازم الدكتور يضغط بطريقة معينة، تقريباً أقوى شوية عشان يعرف، لأني سمعت كتير اليومين دول إن الزايدة خادعة”.

تابع: “اطمنوا كذا مرة قبل لحظة انفجارها، عشان بجد مشاكل بتحصل بعدها كبيرة ومحزنة أوي، وحبيبي آدم عمل عمليتين صعبين أوي عليه، وبدعواتكم مستنيين النتائج تكون خير يارب ويمر بسلام”.

وأوضح: “اشفيه وعافيه يارب، هو وكل ولادنا، بس هو راجل وهيتحمل، وإن شاء الله ربنا يكرمه ويعافيه ويحفظه هو وإخوته، ويحفظ كل ولادكم يارب، وأحب أقول تاني شكراً من كل قلبي على دعواتكم، أنا شايف قلب كل حد فيكم وهو بيدعي بصدق، متشكر أوي يا جماعة، شكراً لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه، وأنا برضو بدعيلكم وأقول لكم مثلها وأضعاف أضعافها، وربنا يحفظكم ويحفظ أولادكم، قادر يا كريم”.