أنغام تدعو بالشفاء لآدم تامر حسني وتطمئن قلوب الجميع

حرصت المطربة أنغام على تقديم الدعم للفنان تامر حسني بعد أن خضع نجله آدم لعمليتين جراحيتين، حيث نشرت أنغام صورة له مع ابنه عبر حسابها الشخصي على إنستجرام، وعلقت قائلة: “نرجو من الله الشفاء العاجل لآدم، عزيز تامر حسني، ربنا يطمئن قلبك وقلب أمه يارب”.

خضوع آدم تامر حسني لعمليتين جراحيتين

أعلن النجم تامر حسني عبر حسابه الشخصي على فيسبوك، عن خضوع ابنه آدم لعمليتين جراحيتين كبيرتين بشكل مفاجئ، وذلك بسبب انفجار الزائدة الدودية، حيث وجه رسالة شكر لجمهوره على الدعوات الكثيرة التي تلقاها من أجل شفاء ابنه.

وكتب تامر حسني في منشوره: “على تليفوني وتليفونات كل المحيطين بيا، هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية، بس أقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص، لا روحوا اكشفوا كويس واعملوا سونار على البطن والزايدة مرة واثنين، لأن ساعات مش بيبان ولازم الدكتور يضغط بطريقة معينة، تقريباً أقوى شوية عشان يعرف، لأني سمعت كتير اليومين دول إن الزايدة خادعة”.

وتابع: “اطمنوا كذا مرة قبل لحظة انفجارها، عشان بجد مشاكل بتحصل بعدها كبيرة ومحزنة أوي، وحبيبي آدم عمل عمليتين صعبين أوي عليه، وبدعواتكم مستنيين النتايج تكون خير يارب ويمر بسلام”.

وأوضح: “شفاء وعافية يارب، هو وكل ولادنا، بس هو راجل وهيتحمل، وإن شاء الله ربنا يكرمه ويعافيه ويحفظه هو وإخوته، ويحفظ كل ولادكم يارب، وأحب أقول تاني شكراً من كل قلبي على دعواتكم، أنا شايف قلب كل حد فيكم وهو بيدعي بصدق، متشكر أوي يا جماعة، شكراً لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه، وأنا برضو بدعيلكم، وأقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم”.