أحمد زاهر يطلب دعوات جمهوره لابنته ملك بعد إصابتها بوعكة صحية

طالب الفنان أحمد زاهر الجميع بالدعاء لابنته ملك أحمد زاهر، بعد أن تعرضت لوعكة صحية استدعت نقلها إلى المستشفى، وكشف عن ذلك في مساء يوم الثلاثاء.

ونشر أحمد استوري عبر إنستجرام، كتب فيه: «يارب أنت شافي يارب»، وذلك بعد أن أعلنت ابنته عن حالتها الصحية وخضوعها للعلاج.

وكانت الفنانة الشابة ملك زاهر قد أوضحت لمتابعيها عبر حسابها على إنستجرام أنها تعرضت لوعكة صحية استدعت وجودها في المستشفى خلال الأيام الأخيرة، حيث قالت: «عمري ما بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار بيني وبين صحابي».

واستكملت حديثها: «لكن بجد حاسة إن الفترة الأخيرة بيجيلي كومنتس كلها إنتي عايشة ومبسوطة واحنا مش عايشين، وإيه كل اللي انتو فيه وحاسة إن في الناس بصة على أتفه الحاجات اللي ممكن تكون عندي بتبسطني، زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين».

وأضافت ملك أحمد زاهر: «حبيت بس أقولكم إن الحياة مش وردي، أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني بالي أنا فيه ده ونفسيتي وحشة أوي، أنا بحكي الكلام ده عشان تعرفوا بس إن حياتي فيها الحلو والوحش، والله زي أي حد، بس أنا بحب دايما أشير الحلو بس وغالبا ده غلط فقررت أشارككم».

ثم اختتمت حديثها قائلة: «كمان الوحش، ومع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون حاجة بسيطة وإن شاء الله هخف وكله هيكون تمام، بس الهدف من الاستوري دي مش إن أي حد يقلق لأن الحمد لله أنا هو مخلى نفسيتي وحشة أوي، حقيقي كل اللي طالبة أنكم ماتحكموش على حد من السوشيال ميديا أو من ظهوره في أي حاجة لأنها بتورى بس يمكن 20٪ من حياته، ادعولي أخف بسرعة وشكرا، وأنا تمام مافيش حاجة مقلقة، أنا بس حسيت إني محتاجة أشارك الوحش زي ما أنا بشارك الحلو مش أكتر».