رانيا فريد شوقي تتألق بإطلالة شبابية مبهرة في عيد ميلادها

احتفلت الفنانة رانيا فريد شوقي بعيد ميلادها، حيث شاركت جمهورها بصورة مميزة تعكس إطلالتها الشبابية على صفحتها في انستجرام، وتواجد في الاحتفال عدد من النجوم مثل الفنان أحمد وفيق وبوسي شلبي وغيرهم، مما أضفى أجواءً مميزة على الحدث.

وعبرت رانيا عبر انستجرام بقولها، “من قلبي… شكرًا ليكم.. في يوم ميلادي، ماكنتش متوقعة كل الحب ده… كل كلمة، كل رسالة، كل دعوة حلوة، وكل حد افتكرني وبعتلي وأصحابي اللي احتفلوا بيا وبناتي اللي عملولي surprise party وجوزي، كل حاجة فرقت معايا أكتر مما تتخيلوا.”.

أضافت، “أنا حقيقي ممتنة ليكم، مش بس علشان المعايدات، لكن علشان وجودكم في حياتي، محبتكم وصلت لقلبي وخففت عني حاجات كتير، كل معايدة كانت بالنسبالي لمسة دفا، ضحكة، واحتواء.. حسيت إني محبوبة، ومش لوحدي، وإن فيه ناس لسه الخير فيهم، والقلوب الحلوة لسه موجودة.”.

واختتمت بقولها، “شكرًا من قلبي ليكم، على وقتكم، واهتمامكم، ومحبتكم، وجودكم في حياتي هو أعظم هدية ممكن أتمناها، ربنا يديمكم نعمة في حياتي، ويفرح قلوبكم زي ما فرحتوني.”.

على صعيد آخر، تألقت رانيا فريد شوقي في مسلسل “حسبة عمري” خلال رمضان 2025، حيث شارك في بطولته سيد رجب وعمرو عبد الجليل، بالإضافة إلى مجموعة من الفنانين، المسلسل من تأليف محمود عزت وإخراج مي ممدوح، وتدور أحداثه في إطار اجتماعي يناقش العلاقة بين الرجل والمرأة.