تامر حسني يدعو متابعيه للتأمل في النفس والتغيير الإيجابي

وجه الفنان تامر حسني رسالة مهمة لمتابعيه حول مخاطر إدمان وسائل التواصل الاجتماعي، حيث كتب على صفحته الشخصية في إنستجرام: “معلش كلمتين في قلبي مهمين هما اللي خلوني أتكلم في الفيديو ده، الإنترنت والسوشيال ميديا أخذوا كل أوقات حياتنا، وخلونا محنيين وباصين تحت في تليفوناتنا وما أشبه، ومبقاش في وقت إننا نبص فوق لربنا ونقوي روحنا بالفضفضة معاه، لا الفضفضة بقت وانت باصص تحت في التليفون والآي باد واللاب توب والكمبيوتر، شوف شغلك عادي وهزر والعب بس متنساش”

وأضاف “الأهم إنك مخلوق من طين وروح، وزي ما الجسم غذاؤه الميه والأكل، روحك غذاؤها اللجوء لربنا والنظر له والكلام معاه في صلاتك أو في ذكرك ودعائك، وكمان محتاجين وقت للتفكير في المستقبل وإزاي نكبر صح، ونتدرج في نجاحنا بشكل منطقي سليم، بجد بقينا مدمنين سوشيال ميديا وتليفونات، وشكلنا بقى غريب، والخطر ده طالنا وطال ولادنا، لازم فعلاً وقفة مع النفس وإعادة تفكير من جديد في علاقتنا بالإنترنت”.

فيلم ريستارت

جدير بالذكر أن الفيلم من بطولة: تامر حسني، هنا الزاهد، محمد ثروت، باسم سمرة، عصام السقا، ميّمي جمال، أحمد عزيز، وأحمد علي، ويشارك في الفيلم عدد من ضيوف الشرف، أبرزهم: إلهام شاهين، محمد رجب، شيماء سيف، رانيا منصور، توانا الجوهري، ولاعب الزمالك السابق أحمد حسام “ميدو”، الفيلم من تأليف أيمن بهجت قمر، وإخراج سارة وفيق