حمادة هلال يكشف كيف أن النجاح مع عصام إسماعيل جاء من عمق الصداقة وليس مجرد عمل فقط

تحدث الفنان حمادة هلال عن علاقته القوية بالملحن والمطرب عصام إسماعيل، مؤكدًا أن النجاح الذي جمعهما كان نتيجة صداقة حقيقية ومشوار طويل من العشرة.

وقال هلال، خلال مداخلة هاتفية في برنامج «الستات ما يعرفوش يكدبوا» على قناة CBC: «النجاح اللي حصل بيني وبين عصام ما كانش شغل والسلام، دي علاقة عشرة ومحبة وأخوة حقيقية، الأغاني اللي عملناها زي (كل ما أفكر فيك) و(الحب حلو) اتولدت وسط ذكرياتنا وضحكنا وسهراتنا، مش جو شغل رسمي»

وأضاف: «عصام من المطربين الجامدين جدًا قبل ما يكون ملحن، لكنه اختار التلحين في الفترة دي، ونجاحه بيثبت كل يوم إنه موهوب بجد»

كما كشف عن مواقف طريفة جمعتهما في البدايات، قائلًا: «كنت بعمل فيه مقالب جامدة جدًا، ويصدقها، ولو قلت له جملة لحن من سنين يفضل فاكرها، دماغه كمبيوتر بجد»

وقبل ختام المكالمة، لبّى حمادة طلب جمهوره وغنى لايف جزءًا من أغنيته «والله يا حب عمري وحياتي»، لتعمّ الأجواء حالة من البهجة والحنين.

واختتم حديثه قائلًا: «أنا بحب عصام جدًا، وبفرح لنجاحه، وإن شاء الله لما أرجع من السفر أكون معاكم وأغني لايف تاني»